Volkies Potch se o15A netbalspan het alles op die baan gelos om sesde in Suid-Afrika te eindig na afloop van die o15 Kay Motsepe SA Netbalkampioenskappe wat by Matango Lodge naby Cullinan vanaf 13-15 Augustus plaasgevind het.

Volkies het hul alles gegee en op die einde van die dag ‘n welverdiende plek in die top 10 behaal. Affies Meisies is eerste, Helpmekaar-Kollege tweede en Oranje Hoër Meisies in die derde plek.

Vir Volkies is dit ‘n puik prestasie om die enigste Noordwesskool in die top 10 te wees. RHS is volgende in die 12de algehele plek by die o15’s.

Ohna Kasselman is die hoofafrigter van hierdie gedugte Volkie-span wat vanjaar ook as Noordweswenner gekroon is.