Bergfietsryers het vanoggend vroeg aangemeld by Lekwena Wildlife Estate vir die Potchefstroom Sakekamer/Pro Potch Gaan Wild Bergfietswedren wat vandag (Saterdag, 10 Oktober) plaasvind.
Die weer was vanoggend perfek vir fietsry met koel kondisies wat die opdraendes effens makliker gemaak het. Die roete het met ‘n lang opdraende begin wat die deelnemers alreeds van die staanspoor af getoets het.
Deelnemers het aan 90km, 60km, 45km en 20km wedrenne deelgeneem. Gaan Wild het die top spoedvrate gelok sowel as diegene wat net die beeldskone natuur op hul fiets met ‘n lekker rit wil beleef.
Hierdie wedren is deel van Noordwes Fietsry se XCM Kampioenskappe. Sondag (11 Oktober) vind die trail run plaas.
Volle uitslae sal gedeel word sodra dit beskikbaar gestel word.
Kyk meer foto’s hier
