Werknemer dood in fratsongeluk nadat hy onder stootskraper beland
'n Man van Potchefstroom is Dinsdag in 'n fratsongeluk oorlede.
‘n Werknemer (62) van Berts Bricks in Potchefstroom is 25 November oorlede nadat hy tydens ‘n fratsongeluk onder ‘n stootskraper beland het.
Kolonel Adéle Myburgh, polisiewoordvoerder, sê die polisie doen ‘n geregtelike doodsondersoek nadat ‘n werknemer, wat besig was om ‘n stootskraper te diens, oorlede is.
“Die man is Dinsdag omstreeks 14:15 op die toneel deur noodpersoneel dood verklaar. Hy was besig om die stootskraper te diens en wou dit glo toets. Met die aansluit van die swaarvoertuig, het dit agteruit begin loop en hy het onder die spore beland.”
Berts Bricks het uit respek vir die oorledene en sy familie, besluit om nie in hierdie stadium kommentaar te lewer nie.
At Caxton, every story is written by humans. We use AI only to perform quality checks - never to generate the news. Happy reading!
