Die Ramkriekies van Laerskool Randfontein het op Vrydag, 5 Maart ‘n Ouma-en-Oupadag by die skool gehou.

Die leerders het te fraai gelyk en is van kop tot toon soos hul oumas en oupas aangetrek.

Krullers, bollas, kieries en brille was orals te sien en die leerders het regtig moeite gedoen vir dié spesiale dag. Sommige leerders het selfs krom geloop.

Daar was oral glimlagte.

Lee-Ann Nel, een van die onderwysers het vertel dat hulle besluit het om die Ouma-en-Oupadag te hou om vir die oumas en oupas te wys dat hulle waardeer word vir alles wat hulle vir die leerders doen.

Dit was baie oulik en die kinders het dit baie geniet om soos hulle ouma en oupa aan te trek. Dit was iets anders en baie opwindend vir hulle,” het Lee-Ann vertel.