Personeel van Laerskool Rapportryer het Woensdag, 23 Junie moue opgerol om die Covid-19 entstof te ontvang.

Dit was die eerste dag van die Departement van Onderwys se onderwyserinentingsprogram.

Skoolwoordvoerder Esmè Botha het vertel dat terwyl Rappies gesluit was, 17 onderwysers en 47 leerders positief getoets het vir die koronavirus, en 164 leerders was in kwarantyn.

Die skool word daagliks in kennis gestel van positiewe gevalle, en ons besef dat Randfontein in dié stadium ‘n hoërisikogebied is.”

Personeel van Laerskool Rapportryer was voor in die ry by die Greenhills Sportstadion op Woensdag, 23 Junie om ingeënt te word. Onderwyspersoneel in die omliggende gebiede sal almal oor die volgende drie weke by die stadion ingeënt te word.

Volgens Esmè was Rappies Pre-Primêr ook saam met Laerskool Rapportyer gesluit, en Juffrou Sonja van Tonder, hoof van Rappies Pre-primêr is Woensdag saam met haar personeel ingeënt.

Rappies hou die inwoners van Randfontein in hul gebede; mag almal wat siek is spoedig herstel, en ons dorp vinnig terugkeer na normaal. Leerders van al die skole, ouers en personeel, wees veilig, dra julle maskers en saniteer want dit is belangrik vir die veiligheid van ons gemeenskap.”