VLU dink flink
VLU-lede het 'n groot geleentheid gereël waar inwoners hul denkvaardighede op die proef gestel het.
Die Westonaria Vroue Landbou-unie (VLU) het onlangs ‘n Flink Dink met Musiek en Sang-geleentheid aangebied waar inwoners hul denkvaardighede kon toets.
• Lees ook: VLU hou ‘n flinkdinkaand vir ‘n goeie doel
Volgens VLU-voorsitter en organiseerder, Carol Boonzaier, het 108 gaste die geleentheid bygewoon. Die gaste het ’n vasvra-aand geniet waarna hulle vrae oor Afrikaanse spreekwoorde, idiome en liedjies beantwoord het.
Dit was ‘n groot sukses en ‘n droom wat waar geword het vir die VLU om al die kreatiwiteit en mooi gedekte tafels te ervaar.
“Mense kry selde geleenthede waar hulle bymekaar kan kom om sang en musiek te geniet.
“Dit is ons nalatenskap aan die taal,” het sy verduidelik.
Die geleentheid is geskep as ‘n fondsinsameling vir die VLU om iets moois vir die senior burgers te reël.
