Laerskool Randfontein se leerders het hul Nuwejaarswense vir 2026 gedeel.

Wihan Booysen hoop om sy verspring tot by die SA-kampioenskappe te neem. Hy wens ook vir ’n nuwe fiets en ’n spesiale horlosie.

Hindon Vosloo wil graag die eerste krieketspan haal, terwyl Louis Pfhal weer vir die eerste rugbyspan wil speel.

Miané Kloppers hoop om in 2026 meer met haar vierwielmotorfiets te ry én om in die eerste krieketspan te speel.

Bhenya Maseko droom ook daarvan om in die eerste rugbyspan te speel.

Bihan Potgieter wil graag deel wees van die padpatrollie, vir die eerste span in beide rugby en krieket speel, en selfs vir die Lions uitprobeer.