‘n Man is Woensdag in die Moot in hegtenis geneem nadat hy vir verskeie sake gesoek was.
Moot-polisiewoordvoerder adjudant-offisier Anton Breedt sê die 29-jarige is in die vroeë oggendure Woensdag by die onheilsnes, Melgisedek, gevang.
“Hy word met 14 sake verbind maar daar is ’n moontlikheid dat dit meer kan wees,” sê Breedt.
Van die sake sluit in huisbraak, voertuigdiefstal en inbreek by voertuie.
“Meeste van die sake het in die omgewing van Riviera en Rietondale plaasgevind,” sê Breedt.
Breedt sê die man word sedert Februarie 2015 gesoek en die polisie is omtrent ’n maand lank al op sy spoor.
Die man, oorspronklik van Kwa-Mhlanga, sal binnekort in die hof verskyn.
Lees ook:
Boewe vinnig vasgetrek ná roof
Gewapende roof by bekende winkel in die Moot
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 072 435 7717.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook en Twitter blaaie.
- Ons wil hê jy moet altyd weet wat in jou gemeenskap aangaan. Stuur ‘n epos met die woorde ‘Teken aan’ na breakingnews@rekord.co.za vir jou gratis daaglikse nuusflits.
