Elf dae nadat Daleen Taljaard haar spesiale diamant-trouring verloor het in die parkeerterrein van Checkers in Waverley in Pretoria is het sy dit terug danksy ‘n goedhartige Mooter.

Lydia van der Kooy, sosialemediabeampte by Sol-Tech, het op Junie 29,  dié ring opgetel en die eienaar daarvan vergeefs probeer opspoor het.

Rekord het vroeër berig oor die haar soektog na die eienaar.

Lees ook: Het jy jou diamant trouring in die Moot area verloor?

Van der Kooy sê nadat die berig verskyn het, het minstens baie mense van regoor die land haar gekontak oor die ring.

“Daar het so baie mense my gekontak wie se trou ringe verloor is. Dit is jammer vir hulle.”

Van der Kooy het bygevoeg dat sy nou baie verlig is dat die ring in die regte hande is.

“Ek is so bly dat ek haar opgespoor het. Dit is vir my baie spesiaal,” sê Van der Kooy.

Taljaard sal in Desember 26 jaar lank met haar man, Matt, getroud wees.

Haar vriendin het haar Woensdag vertel van ʼn verlore ring waarvan sy gelees het.

Toe hulle 20 jaar getrou was het hulle die ring laat maak, die steen wat in die ring is, is haar ouma se steen.

Volgens Van der Kooy het Taljaard haar Woensdag genader op epos met fotos. Nie net het Van der Kooy self met die juwelier gesels wat die ring destyds gemaak het nie maar Taljaard kon selfs se in watter deel van die parkeerterrein sy gewoonlik stop.

Daar word vermoed dat sy haar ring verloor het terwyl sy pakkies in haar kar gelaai het.

Het jy dalk meer inligting rakende dié storie? 

Stuur gerus vir ons ‘n epos na  [email protected] of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram blaaie.