Tshwane-raadslede sal ’n 2.5%-verhoging vir die 2024/25 finansiële jaar ontvang. Dit is die helfte van wat hulle vroeër vanjaar vir hulself goedgekeur het.

Dit volg op ’n ooreenkomsbrief van die Gautengse LUR vir Samewerkende Regering en Tradisionele Sake (Cogta), Jacob Mamabolo, op 2 Oktober, wat die toepaslike verhoging in lyn met nasionale riglyne bepaal.

In Januarie, het Tshwane-raadslede ’n 5%-salaris- en selfoonverhoging tydens ’n raadsvergadering goedgekeur, wat later op 12 September tydens ’n spesiale raadsvergadering herbevestig is.

Tydens die spesiale sitting op 14 Januarie, het 13 raadslede teen die 5%-verhoging gestem, teenoor 166 wat ten gunste was daarvoor.

Die nou-voorgestelde styging sal die eerste salarisverhoging vir raadslede wees sedert 2018/2019. Metropersoneel het elke jaar ’n verhoging ontvang, behalwe vir 2023/24 en 2021/22.

Die verhogings het ten doel om nie net salarisse te dek nie, maar ook voordele soos behuising-, reis- en motortoelaes.

Mamabolo se kantoor het egter die 5%-verhoging verwerp. Hy het verduidelik dat beide die raad en sy kantoor nie wettig bevoeg is om die verhoging goed te keur nie, aangesien dit inkonsekwent is met die toepaslike 2.5%-verhoging vir die 2024/25 finansiële jaar.

In sy brief aan die stad se Hoofsweep, sê Mamabolo, “Ek het voorheen saamgestem met die implementering van ’n 0%-salaris-aanpassing vir die tydperke 2020/21 tot 2023/24. Teen hierdie agtergrond, gee ek toestemming aan Tshwane om ’n salarisverhoging van 2.5% vir die 2024/25 finansiële jaar te implementeer, soos per die Staatskoerant nr. 51419 van 21 Oktober 2024 en die Wysigingsregeringskoerant nr. 53168 van 14 Augustus.”

Mamabolo het bygevoeg dat die besluit neem die stygende lewenskoste in ag, maar het gewaarsku dat die munisipaliteit moet verseker dat elke raadslid se toelaes en voordele moet voldoen aan die bepalings van die staatskoerant.

“Enige betalings wat nie in ooreenstemming is met die bogenoemde koerante en die ooreenkoms wat verskaf word nie, sal as onwettig en onreëlmatig beskou word,” het hy gemaan.

Die LUR het ook kommer uitgespreek oor die aantal lyfwagte wat aan die burgemeester toegewys is, en het daarop gelet dat ses lyfwagte tans aangewys is, wat teenstrydig is met die staatskoerante, wat twee per pos toeskryf.

“Die munisipaliteit moet verseker dat die toepassing van die staatskoerante beide diensleweringsvereistes en finansiële volhoubaarheid balanseer,” het hy bygevoeg.

Die terugdatering van betalings tot Julie 2024 word gedoen volgens die ministeriële bepaling van boonste limiete van salarisse, toelaes en voordele van verskillende lede van munisipale rade, gepubliseer in die Staatskoerant nr. 51419 op 21 Oktober 2024. Die bepaling is geldig sedert 1 Julie 2024.

In ’n spesiale raadsvergadering op 12 September, het een Tshwane-raadslid teen die 5%-salarisverhoging vir raadslede gestem en gesê die munisipaliteit kan dit nie bekostig nie.

Tshwane-raadslede het weens die munisipaliteit se finansiële probleme sedert 2020 nie ’n salarisverhoging gekry nie .

Die stad het die toepassing van die 2.5%-verhoging bevestig, wat terugdateer sal word tot 1 Julie 2024, en op 26 Oktober as ’n eenmalige vaste bedrag verwerk word.

Metrowoordvoerder Lindela Mashigo sê die totale koste van die raadslid se salaris en toelae beloop R3.2-miljoen per jaar.

“Die Speaker van die raad het die LUR se ooreenkomsbrief formeel ter tafel gelê tydens ’n voortgesette vergadering op 9 Oktober, waar die saak sonder beswaar goedgekeur is.”

Het jy dalk meer inligting rakende dié storie? 

Stuur gerus vir ons ‘n epos na  bennittb@rekord.co.za of skakel ons by 083-625-4114.

Vir jou daaglikse gratis gemeenskapsnuus, besoek Rekord se webwerf: Rekord

Besoek ook ons Facebook, Twitter en Instagram en TikTok.