Tshwane Bash bied unieke krieketgeleentheid aan jong spelers
Die Tshwane Bash, ‘n unieke krieket toernooi vir laerskoolseuns, is velrede week met groot sukses in Pretoria aangebied.
Die Pro-Crick krieket akademie se jaarlikse Tshwane Bash, is verlede week by CBC Mount Edmund in Silverton aangebied.
Dié unieke krieket ontwikkelingstoernooi word aangebied onder leiding van die bekende afrigter Malan Morkel en sy span by Pro-Crick en dit is inderwaarheid baie meer as net ’n toernooi.
Dit is ’n geleenteheid waardeur Pro-Crick saamwerk met alle laerskole in die Tshwane omgewing om aan top o.12 spelers ’n kans te bied om ’n unieke krieket-ervaring oor die vier dae van die toernooi te beleef.
’n Totaal van 72 uiters talentvolle o.12 spelers word na hierdie toernooi uitgenooi. Gedurende die vier dae van die toernooi speel hulle nie net krieket nie, maar hulle kry ook die geleentheid om aan hul krieket-vaardighede te skaaf met die hulp van top afrigters.
’n Vaardigheids-kompetisie is deel van die toernooi, terwyl die seuns ook deelneem aan ’n Super-boulbeurt kompetisie en ’n T20 fees.
Die seuns word op só ’n wyse in spanne ingedeel dat nie meer as vier spelers van dieselfde skool in een span is nie. Op hierdie manier word interaksie tussen die spelers ook bevorder, wat inpas by die toernooi se tema, naamlik “Breek Grense Af”.
Oor die naweek word daar selfs voorsiening gemaak vir ander afleiding en die spelers is saam met hul ouers getrakteer met ’n vertoning van die komediant, Joey Rasdien.
Motiveringsprekers soos die gestremde gewese krieketster, Victor Vermeulen, en die sport-kopdokter dr. Jannie Putter, het ook by die toernooi opgetree om met die seuns en hul ouers te gesels.
Daarbenewens kon die jong krieketspelers die kans kry om via direkte interaksie meer oor krieket en ander aspekte van die spel te leer by die voormalike Proteas en Titans ster, Albie Morkel.
Het jy dalk meer inligting rakende dié storie? Stuur gerus vir ons ‘n epos na editorial@rekord.co.za of skakel ons by 083-625-4114.
Vir jou daaglikse gratis gemeenskapsnuus, besoek Rekord se webwerwe:
Besoek ook ons Facebook, Twitter en Instagram blaaie.
