Bulletjierugby en mini-netbal opgewondenheid
Pietersburg Laerskool se bulletjierugby- en mini-netbaldag het Saterdag op Hoër Tegniese Skool Tom Naudé se velde plaasgevind en families van 13 skole was gereed vir 'n aksiebelaaide dag.
POLOKWANE – Bulletjierugby- en mini-netbal is een geleentheid op elke grondslagfaseouer se kalender waaroor die hele familie ewe opgewonde is.
Terwyl Pa vir boetie op die rugbyveld help en Ma lemoene uitdeel, skree Oupa van die kant af vir boetie om te hardloop en met elke drie spring Ouma op en af van blydskap.
Pietersburg Laerskool se bulletjierugby- en mini-netbaldag het Saterdag op Hoër Tegniese Skool Tom Naudé se velde plaasgevind en families van 13 skole was gereed vir ‘n aksiebelaaide dag.
Daar was sowat 800 kinders altesaam van Pietersburg Laerskool, Oosskool, Laerskool Ivypark, Pemps Primary School, Laerskool Piet Hugo, Akademie Reformia, Curro Heuwelkruin, Laerskool Louis Trichardt en Laerskool Tzaneen.
Die volgende bulletjierugby- en mini-netbaldag word Saterdag by Oosskool gehou.
