Laerskool Pietersburg het Vrydag ‘n opedag aangebied vir die gr. R-leerders wat in 2014 by die skool aansluit.
Ouers en leerders het die geleentheid gehad om te sien hoe die klasse lyk, hoe die dag en week se roetine verloop en om die onderwysers te ontmoet.
“Ons is baie opgewonde oor volgende jaar, dit lyk of Shaun-Rico dit baie hier sal geniet,” het sy ouma, Mariana van den Bergh, vertel.
“Die opedag is die begin van ‘n blywende vennootskap wat gesluit word tussen die ouers, hul kosbare kinders en die personeel van Pietersburg Laerskool. Ons slaag ook daarin om die kinders te bemagtig om 2014 met selfvertroue hul skoolloopbaan in ‘n bekende omgewing te begin. Ons skool is geseënd met pragtige kinders,” het die gr. R-graadhoof, Liana Bredenkamp, gesê.
