Hoërskool Pietersburg se Pietie-talentaand het gesorg vir hope pret en vermaak verlede Donderdagaand.
Die tema van die aand was Sirkus en die sirkusbaas, Chante Jardim, het die gehoor aan die lag gehou met haar kwinkslae.
Die Pieties het geen tekort aan talent nie en die leerders wat aan die talentaand deelgeneem het, het nie teleurgestel nie.
Met sang, dans en drama het hulle verseker dat die gehoor hierdie aand nie gou sal vergeet nie.
Tertia Hartslief, ‘n lid van die gehoor, het gesê dat sy nooit in haar lewe kon dink dat leerders op skoolvlak soveel talent kon hê nie.
Sy het vertel sy was aangenaam verras met die produksie.
“Daar is soveel talent in die skool. Ons hou net duim vas dat hierdie talent nie net op die skoolverhoog gaan bly nie.” het sy gesê.
