Sangaand by Gereformeerde Kerk
Die Gereformeerde Kerk-Suid in Mcdonaldstraat het op Vrydag, 5 Junie die aandkoue met musiek uit die boonste rakke verjaag.
POLOKWANE – Die Gereformeerde Kerk-Suid in Mcdonaldstraat het op Vrydag, 5 Junie die aandkoue met musiek uit die boonste rakke verjaag.
Die kerk het ‘n musiekaand aangebied waar die besoekers hulle kon verlustig in beide sang en instrumentale musiek. Daar is veskeie liedjies van Johann Sebastian Bach gespeel en verwerk vir die luistergenot van die gehoor.
Die slagorkes van Akademie Reformia het ook op die aand deel geneem en die gehoor vermaak met liedjies soos:
• Alle volke klap julle hande.
• Nader my God by U.
• Pizzicato polka.
• Budapest.
Marisa Linde het die gehoor vermaak met haar klavierspel, waartydens Renchia Venter die gehoor bekoor het met haar Vioolspel en Danie Grobelaar se stem die gehoor weggevoer het só dat hulle heeltemal van die snerpende koue vergeet.
