POLOKWANE – Elkeen is besig om hul beste op die atletiekfront te lewer sodat hulle hul onderskeie bokke-spanne kan maak en sodoende die skool by atletiekbyeenkomste wat binnekort by die skool gaan plaas vind kan verteenwoordig.
Die leerders het vanoggend (Donderdag) vroeg met uitdunne in die landloop begin en daarna oorgegaan na die verskeie velditems waar party van hulle geleentheid gegun is om vir die eerste keer aan ‘n sportsoort deel te neem.
Van die leerders het aan Review vertel dat hulle vir die eerste keer moed bymekaar geskraap het om aan iets soos diskusgooi deel te neem, ander het weer vir die eerste keer die kans gevat om te gaan hardloop. Die dag, spesiaal vir die leerders, is daar gestel om ook die skool se atletiekspan te versterk en die leerders voor te berei vir die ander sportsoorte wat deur die skool aangebied word.
