POLOKWANE – ‘n Skooldans is die ideale geleentheid om deftig aan te trek en Review het dié kans gebruik om by leerders te hoor hoe hulle te werk gaan om die perfekte uitrusting te beplan.
Die meisies het verklap dat hulle gewoonlik vir die eerste dans van die jaar klere dra wat hul reeds in hul kaste het. Daarna begin hulle rokke vir skoolgeleenthede koop en dié word deur die loop van die jaar al hoe duurder.
Die seuns vertel dat hulle net op spesiale danse soos die Valentynsdans baie mooi aantrek en moontlik ‘n hemp of broek sal koop maar die ander danse dra hulle gewoonlik maar wat daar in die kas is.
Van die leerders het aan Review vertel dat die klere enige iets van R1 000 tot amper R10 000 kan kos, afhangend van die geleentheid.
Dit is duidelik dat net soos baie van die ander dinge waarvoor PHS bekend is soos atletiek, sport en akademie, haal hulle ook uit en wys as dit by skooldanse kom.
