Skole spook sake uit op jukskeibaan

Die derde jukskei skoleliga vir die jaar is Saterdag by die Pietersburg Jukskeiklub gehou toe plaaslike hoër- en laerskole mekaar die stryd aangesê het.
Laerskool Dendron, Pietersburg Laerskool en Laerskool Pietersburg-Oos sowel as Hoër Tegniese Skool Tom Naudé en Hoërskool Pietersburg (PHS) het deelgeneem. In die laerskole se A- en B-afdeling het Oosskool se o.13-seuns met die louere weggestap terwyl PHS se o.16A- en Tommies se o.19A-seunspan ook goud verower het. Onder die meisiespanne was PHS se o.16- sowel as die o.19-span die sterkste.
Die vierde en finale ronde van die liga word op 24 Augustus aangebied.

Storie en foto’s: RC Myburgh
>>rc.observer@gmail.com