Hokkie, netbalspanne Pieties se trots

Hoërskool Pietersburg (PHS) se hokkie- en netbalspanne het ook puik tydens hul onderskeie toernooie presteer.
Die o.16-hokkiemeisiespan is as Limpopo-kampioene sowel as Noordvaal-wenners aangewys terwyl die eerste hokkieseunspan algeheel vierde tydens Noordvaal eindig. Al die hokkieseunspanne is vroeër in die seisoen as Limpopo-kampioene aangewys en behaal gesamentlik ‘n algehele derde plek by Noordvaal.
Op die netbalbaan het spanne ook nie teleurgestel nie. Die o.14-, o.15-, o.16- en o.17-span verwerf goud tydens die Limpopo-kampioenskappe terwyl die eerstespan brons verower. Die o.16-span eindig algeheel sesde in Suid-Afrika.

Storie: RC Myburgh
>>rc.observer@gmail.com