Pieties vat goud, silwer, brons tydens Fast 5-netbalkampioenskappe
Die jaarlikse Limpopo Fast 5-netbalkampioenskappe wat deur Hoërskool Pietersburg (PHS) aangebied word, is Saterdag deur vlugtige voetwerk en vinnige besluite op die baan gekenmerk. Verskeie skole van regoor die provinsie het aan die kampioenskappe vir o.15- en o.17-spanne deelgeneem. Pieties het die o.17-afdeling oorheers deur goud te verwerf gevolg deur Mitchell House in die tweede …
Die jaarlikse Limpopo Fast 5-netbalkampioenskappe wat deur Hoërskool Pietersburg (PHS) aangebied word, is Saterdag deur vlugtige voetwerk en vinnige besluite op die baan gekenmerk.
Verskeie skole van regoor die provinsie het aan die kampioenskappe vir o.15- en o.17-spanne deelgeneem. Pieties het die o.17-afdeling oorheers deur goud te verwerf gevolg deur Mitchell House in die tweede plek. Die o.15-afdeling is deur Hoërskool Ben Vorster gewen met PHS in die tweede sowel as die derde plek.
PHS-skakelbeampte, Elmari Craig sê dit is die derde jaar wat die kampioenskappe aangebied word en die belangstelling in dié formaat van netbal groei jaarliks. Slegs vyf spelers is in ‘n span en hulle vernuf en fiksheid word behoorlik getoets, volgens Craig.
Die spanne wat die eerste drie plekke behaal het neem van 22 tot 24 September aan die Fast 5-nasionale kampioenskappe in Boksburg deel.
Storie en foto’s: RC Myburgh
>>rc.observer@gmail.com
