Pieties blink uit tydens Blitzfees
Die jaarlikse Blitzfees wat deur Hoërskool Pietersburg (PHS) aangebied word het verlede Saterdag weer eens vir groot opwinding en adrenalien-gevulde sport gesorg. Gedurende die Blitzfees poog die skool om sewesrugby, fast 5-netbal en quick 6-hokkie te promoveer en lok groot belangstelling van skole regoor die provinsie. Die fees word slegs vir o.15- en o.17-spanne in …
Die jaarlikse Blitzfees wat deur Hoërskool Pietersburg (PHS) aangebied word het verlede Saterdag weer eens vir groot opwinding en adrenalien-gevulde sport gesorg.
Gedurende die Blitzfees poog die skool om sewesrugby, fast 5-netbal en quick 6-hokkie te promoveer en lok groot belangstelling van skole regoor die provinsie.
Die fees word slegs vir o.15- en o.17-spanne in al drie sportksoorte aangebied.
Op die netbalbaan het PHS se o.15- sowel as o.17-spanne met die louere weggestap. Mitchell House se o.17-span het ‘n silwermedalje verwerf.
Die hokkiemeisies het ook nie op hulle laat wag nie en in beide ouderdomsgroepe koning gekraai terwyl die o.17-seuns ook die goue medalje om hul nekke kon hang.
Op die rugbyveld het dinge effens anders gelyk en was die geluk nie aan Pieties se kant nie. Beide rugbyspanne eindig algeheel negende in hul onderskeie ouderdomsgroepe.
Storie en foto’s: RC Myburgh
>>rc.observer@gmail.com
