Werk en wen vier lentedag met braai

Groot opgewondenheid het onlangs geheers toe kleuters van Werk en Wen pre-primêre Skool se dag opgekikker is met ‘n lentedagviering wat ook as braaidag gedien het.
Flukse ouers het by die braai­vleisvure reggestaan en elke kleuter het ‘n worsbroodjie en
koeldrank ontvang nadat hulle by die kleurvolle tafels met baie blomme aangesit het.
Skoolhoof, Monica Strauss het vir genoeg verversings gesorg om te verseker dat die personeel ook iets te ete gekry het.
“Ons het ons lentedagviering uitgestel om te wag vir beter weer en dit was beslis die moeite werd, Nou gaan ons braai!,” het Strauss gesê.

Storie en foto’s: BARRY VILJOEN
>>barryv.observer@gmail.com