POLOKWANE – Nou is die tyd om daardie winter-vette af te werk deur aan die Hoërskool Pietersburg se virtuele stap, draf of trap deel te neem.
“Ons het besluit om ‘n virtuele stap, trap of draf te reel waar deelnemers 3 km, 5 km, of 10 km per fiets, draf en stap af te lê. Geld wat ons insamel word gebruik om die talle Pietie-gesinne wat werklik swaarkry te versorg,” verduidelik Elmari Craig, skakelbeampte van die skool.
Die projek het reeds op 22 Augustus afgeskop en deelnemers het kans tot 29 Augustus om in te skyf. Gesinne kan saam inskryf en dit sommer ‘n pret projek maak.
Skoolhoof Willie Schoeman en onderhoof Ina van der Merwe beoog om ook deel te neem en moedig almal aan om hul deel te doen. Inskrywingsfooi beloop R50 per inskrywing.
Hoe om te registreer:
• Klik hier en voltooi die inskrywingsvorm.
• Jy ontvang jou deelnemersnommer en hulle bankbesonderhede.
• Betaal die inskrywingsgeld en gebruik die regte verwysing.
• Neem deel en neem ‘n selfie wat jy dan op sosiale network plaas met die volgende hutsmerke; #pietietrap, #pietiedraf of #pietiestap.
Kontak Elmari by pro@pieties.co.za vir enige navrae.
