Local News
Frieda-dansers pronk op verhoog
Frieda Lombaard se dansstudente skitter op die verhoog voor trotse ouers, waar die jong dansers selfvertroue en selfbeeld opgebou het.
POLOKWANE – Nie almal is gemaklik daarmee om voor mense te sing, dans of toneel te speel nie, en dit is dikwels ‘n gewoonte wat aangeleer moet word.
Hiermee in gedagte het Frieda Lombaard van Frieda se Dansskool verlede week twee van haar dansgroepe die geleentheid gegun om stadig maar seker gewoond te raak aan ‘n gehoor.
Die jong dansers van Osieteddies, asook die gr. R-groep het danspassies op die maat van musiek geleer.
Met nuuskierige ouers wat kon toekyk hoe hulle dans het die dansers die vloer hulle s’n gemaak.
“Ek wil graag aan die ouers wys wat hulle kinders deur die jaar geleer het, en dit is vir die dansers ‘n geleentheid om hulle selfbeeld te versterk,” het Frieda gesê.
At Caxton, every story is written by humans. We use AI only to perform quality checks - never to generate the news. Happy reading!
