Visvangkompetisie: Viljoen trek grote ter waarde van R50 000 uit
Meer as 100 papgooiers het Saterdag by ‘n dam op die plaas Sandrivier net buite die stad vir die jaarlikse Castle Light Catch 22 Bass Fishing Competition wat deur Tafelronde Pietersburg 22 aangebied is, saamgetrek. Hengelaars se hoop om die gemerkte baars met R50 000 prysgeld te vang het soos mis voor die son verdwyn …
Meer as 100 papgooiers het Saterdag by ‘n dam op die plaas Sandrivier net buite die stad vir die jaarlikse Castle Light Catch 22 Bass Fishing Competition wat deur Tafelronde Pietersburg 22 aangebied is, saamgetrek.
Hengelaars se hoop om die gemerkte baars met R50 000 prysgeld te vang het soos mis voor die son verdwyn nadat Roan Viljoen dié vis vroegoggend al uitgetrek het. Alhoewel die groot prys reeds vroeg opgeraap is, was daar ook ander pryse vir die swaarste vis in verskeie ouderdomsgroepe op die spel.
“Die kompetisie is vanjaar vir die sesde keer aangebied met jaarlikse goeie terugvoering van deelnemers. Die opbrengs sal later aan verskeie welwillendheidsorganisasies oorhandig word,” sê die sekretaris, Casper Gilfillan.
Foto’s: Verskaf
Kompetisie-organiseerder, Werner Marais en Roan Viljoen wat die gemerkte baars ter waarde van R50 000 uitgetrek het.
Storie en foto’s: RC Myburgh
>>rc.observer@gmail.com
Hooffoto: Kompetisie-organiseerder, Werner Marais en Roan Viljoen wat die gemerkte baars ter waarde van R50 000 uitgetrek het.
