Noordelikes se oumanne laat jonges les opsê
Die oumanne het Saterdag onoorwonne van die veld gestap na die tradisionele oumanne teen die jonges-wedstryd van Goldwagen Noordelikes. Die ouer garde het sedert die afskop druk op die jong spelers geplaas en vir die grootste deel van die eerste helfte in die jonges se doelgebied gespeel en selfs twee keer agter die pale gaan …
Die oumanne het Saterdag onoorwonne van die veld gestap na die tradisionele oumanne teen die jonges-wedstryd van Goldwagen Noordelikes.
Die ouer garde het sedert die afskop druk op die jong spelers geplaas en vir die grootste deel van die eerste helfte in die jonges se doelgebied gespeel en selfs twee keer agter die pale gaan kuier.
In die tweede helfte het die minder ervare jongspan hul sokkies begin optrek en kort-kort ‘n gaping deur die oumanne se verdediging tot by die doellyn gevind,.
Die wedstryd is met 22-17 in die oumanne se guns beslis.
Noordelikes-voorsitter, Shaun van der Merwe sê die wedstryd is ‘n jare lange tradisie om die jaar in goeie sportmangees af te sluit.
“Die wedstryd bied geleentheid om al die spelers vir oulaas bymekaar te kry en lekker rugby te speel. Dit dien nie net as jaarafsluiting nie, maar ook as spanbougeleentheid vir volgende jaar.”
Storie en foto’s: RC Myburgh
>>rc.observer@gmail.com
Hooffoto: Hermanus Smit loop sy rieme styf teen die ouer garde.
