Vliegklub lede wys vernuf by Afrikabeker
Drie lede van die Potties Vliegklub het verlede week hul vernuf ingespan tydens die Afrikabekerkampioenskap vir mikroligte vliegtuie op Hazyview in Mpumalanga.
MOKOPANE – Drie lede van die Potties Vliegklub het verlede week hul vernuf ingespan tydens die Afrikabekerkampioenskap vir mikroligte vliegtuie op Hazyview in Mpumalanga.
Nico Willemse, Martin van Tonder en Willie van der Merwe het op uitnodiging met hul mikroligte vliegtuie deelgeneem aan die gewilde Afrikabeker waar van die land se top mikroligtevlieëniers hul staal in die verskeie afdelings kom wys het.
Willemse het die afdeling waar die vlieëniers in die gemerkte kol moes land, gewen. Willemse, Van Tonder en Van der Merwe het ook onder die eerstes geeïndig in die afdelings vir navigasievlugte, uithou en brandstofverbruik, die ‘ribbon cut” en meelbomgooi.
Nog ‘n pluimpie vir die klub is die gesogte geestrofee wat die klublede en ondersteuners ingepalm het.
Lees meer in Bosveld Review
