Krugies wenners van Top Tien Gala

MOKOPANE – Die swemmers van Laerskool Krugerpark het verlede Vrydag in Tzaneen gedurende die Top Tien Gala vir die tweede agtereenvolgende jaar tussen agt ander skole as wenners uit die stryd getree.

Die gala het gesorg vir tawwe kompetisie, maar die Krugies het met 35 punte geseëvier, talle medaljes ingeryg, rekords verbeter en die meisiespan het ‘n eerste plek los geswem.

Die skool bedank Awie Hattingh vir sy puik afrigting.

“Ek is baie trots op elkeen van hierdie swemmers wie soos visse deur die water geklief het om te verseker dat die trofeë huis toe kom,” sê skoolhoof Johan Vertongen.