Suidskool se trots
Laerskool Pietersburg het vanjaar voorwaar sportpresteerders om op trots te wees.
POLOKWANE – Laerskool Pietersburg het vanjaar voorwaar sportpresteerders om op trots te wees.
Tot dusver vanjaar het meer as 30 leerders al Limpopo-kleure verwerf. Wat rugby aanbetref verteenwoordig Taylor du Plessis, Charl-Pierre Brandon en Jurgen von Houwald die o/13-Limpopospan en Nicky Grobler die o/12-Limpopospan.
Minette du Preez, Christine Rossouw en Helga Claassen verteenwoordig die o/13A- Limpopo-hokkiespan terwyl Louise du Preez en Carika Beukes in die o/12A-Limpopo-span opgeneem is.
Kayla Snyman is in die o/13-Limpopo-netbalspan opgeneem en Marjoné de Beer is in die provinsiale o/10-swemspan opgeneem. Sewe leerders is in die Limpopo ringbalspan opgeneem.
Ané van Dyk, Chané Fouche, Roan van Breda en Marzelle Luus is in die o/11A-Limpopo ringbalspan. Roelien van Breda is gekies as die kaptein van die o/13A-Limpopo ringbalspan terwyl Christine Retief vir die o/10B-span en Tanika Wilkinson vir die o/11B-ringbalspan speel.
Kayla Jansen van Vuuren is in die o/10-Limpopo jukskeispan opgeneem. Mariska Smit, Melissa Smit, Siobhan Johannsen, Leandré Labuschagne, Leilah Calaca, Mariska Groenewald, Louise van Rynevel, Casey Jackson en Chanté Serfontein het vir gimnastiek Limpopo-kleure gekry.
Twee Suidskool, Karla Kloppers (o/10) en Japie Wentzel (o/12), is ook in die Limpopolandloopspan opgeneem. Nicky Bam verwerf Limpopo-kleure vir hoogspring en Michael Fouché verteeenwoordig die o/11-Limpopo hengelspan.
Die skool is baie trots op die leerders se sportprestasies.
