Osies se gr. 3-7’s hou ‘n pretdraf

Die gr. 3-, gr. 4- en gr. 5-groep het 2 km gehardloop en die gr. 6- en gr. 7-groep 3 km.

May 26, 2015

Maretha Swanepoel Less than a minute

Risima Sambo (gr. 5) is in sy noppies om onder die top 10 te eindig.

POLOKWANE – Op Woensdag, 20 Mei, het gr. 3- tot gr. 7-leerders van Laerskool Pietersburg-Oos (Oosskool) aan ‘n pretdraf deelgeneem.

Elke graad het hul graadhempies gedra en per graad weggespring. Die gr. 3-, gr. 4- en gr. 5-groep het 2 km gehardloop en die gr. 6- en gr. 7-groep 3 km. By die eindpunt was heerlike ysies en hier en daar ‘n traan van blydskap om eerste te eindig asook van moegheid na die ver hardloop.

Die pretdraf is gehou om leerders te kies wat in die landloopspan kan hardloop. Die eerste 10 leerders in elke graad is voorlopig in die span waarna verdere uitdunne gehou sal word.