Hokkiestokke swaai byHeuwelkruin
Die o/15- meisieshokkiespan van Curro Heuwelkruin het Saterdag op hulle tuisveld in 'n Noordvaal-kampioenskap uitspeelronde met die span van St Conrad's College van Klerksdorp afgereken.
POLOKWANE – Die o/15- meisieshokkiespan van Curro Heuwelkruin het Saterdag op hulle tuisveld in ‘n Noordvaal-kampioenskap uitspeelronde met die span van St Conrad’s College van Klerksdorp afgereken.
Heuwelkruin het in die eerste helfde van die wedstryd met 1-0 voor geloop.
Dit is egter in die tweede helfde van die kragmeting dat Heuwelkruin die doelwagter van St Conrads gefnuik het om nog drie doele aan te teken.
Heuwelkruin dring deur na die volgende ronde met hul 4-0 oorwinning teen St Conrad’s College.
Heuwelkruin se punte is deur Kayla Spies, wie ‘n driekuns behaal het, aangeteken.
Spanmaat, Chantaé Horn, het die doel in die eerste helfde aangeteken.
Heuwelkruin speel Vrydag in Germiston in die halfeindronde teen die meisieshokkiespan van Hoërskool Elsburg.
