Kruinies verdien hul hokkiekroon
Vir die eerste keer in Curro Heuwelkruin se geskiedenis is een van sy hokkiespanne as wenners van die Noordvaal Kleinskolekompetisie gekroon.
POLOKWANE – Vir die eerste keer in Curro Heuwelkruin se geskiedenis is een van sy hokkiespanne as wenners van die Noordvaal Kleinskolekompetisie gekroon.
Die o/15-meisiehokkiespan het eers verskeie skole in hul opmars gestuit voor hulle op 25 Julie in die kwarteindronde teen St.Conrad in Klerksdorp te staan gekom het.
Hulle het die astrobaan-oppervlak op hul tuisveld benut en die wedstryd oortuigend met 4-0 gewen.
Op 1 Augustus het die span in die halfeindronde teen Elspark Tegniese Skool aan die Oosrand gespeel. Nie eens die besoekers se tuisspanvoordeel kon keer nie dat die Kruinies 1-0 gewen het. Ashden Venter het die wendoel vir Heuwelkruin aangeteken.
Die eindstryd op Saterdag, 15 Augustus teen Tyger Valley van Noord-Gauteng in Vanderbijlpark het gevolg. Kayla Spies het die enigste doel vir Heuwelkruin aangeteken en die span se oorwining van 1-0 het hul status as Noordvaal-kampioene vir kleinskole bekragtig.
“Ons is trots op die meisies,” sê Eben Lingenfelder, uitvoerende hoof van Curro Heuwelkruin, trots.
