Louis Trichardt gaan gebuk onder Kruinies

POLOKWANE – Louis Trichardt was eerste aan die beurt om te kolf en Heuwelkruin se boulers en veldwerkers het hul uitstekend van hul taak gekwyt om die besoekers tot net 75 lopies te beperk.

Heuwelkruin se Gerhard van Zyl is dié span se uitblinker met sy boulwerk waarmee hy vier paaltjies vir 12 lopies (4/12) in sy ses boulbeurte laat kantel het.

Heuwelkruin in sy kolfbeurt maak kleingeld van Louis Trichardt se boulers en dit neem die Kruiniekolwers slegs 16 beurte om hul besoekers se 75 lopies verby te steek om uiteindelik met ses paaltjies te seëvier.

Heuwelkruin se beste speler met die kolf was Charl van der Linde wie 29 lopies aangeteken het.