Slaggat herstel na verskeie klagtes

Slaggat in Vaalrivierstraat was ’n groot probleem.

June 4, 2015

1 minute read

Die slaggat is op Woensdag, 27 Mei deur die munisipaliteit herstel.

SECUNDA – Die slaggat in Vaalrivierstraat op Secunda wat die laaste ruk baie skade aan voertuie gerig het, is uiteindelik op 27 Mei herstel.

Verwysingsnommers van verskillende datums was deur die munisipaliteit uitgereik om die probleem te herstel.

Volgens motoriste wat die straat daagliks gebruik, het dit die munisipaliteit langer as vier maande geneem om die slaggat te herstel.

Omdat die munisipaliteit so lank geneem het om dit te herstel, het DA-raadslede aksie geneem en inwoners en plaaslike ondernemings betrek om petisielyste in te vul.

Mnr. Piet Labuschagne, DA-raadslid, het saak verder geneem en seker gemaak die munisipaliteit herstel wel die slaggat.

“Ons is dankbaar dat die munisipaliteit uiteindelik die probleem opgelos het,” het inwoners gesê.

‘n Vrou was onlangs erg getraumatiseerd nadat haar voertuig se agterwiele in die slaggat vasgesit het.

Die skade aan haar motor was hoog en sy beskou die munisipalitiet as nalatig omdar die slaggat se herstelwerk hulle verantwoordelikheid is.

“Dit kon my lewe gekos het,” het sy gesê.

Mnr. Henry Masango, hoof van bemarking en kommunikasie van die Govan Mbeki Munisipaliteit, het bevestig dat die slaggat ’n groot probleem was, maar hulle het nie die regte toerustig gehad om dit te herstel nie.

“Die herstelwerk van paaie op Secunda is deel van die munisipaltiet se voormalige begroting,” het mnr. Masango gesê.