Heidi Kleuterskool op Delmas speel-speel in ’n regte plaas omskep

“Die groot hoogtepunt van die oggend se gebeure was dat elke Heidi-maat op onderskeidelik ’n ponie of donkie op die terrein kon rondrits.”

August 17, 2023

Thia Botha 1 minute read

Milia Joubert ry donkie by Heidi Kleuterskool.

Die laaste week in Julie was die tema by Heidi Kleuterskool op Delmas dié van plaasdiere.

Dit kon dus nie anders nie, die perseel moes ’n plaas word. Tydelike kampies was deur Heidi opgeslaan met ’n verskeidenheid van plaasdiere soos varke, beeste, hoenders en vele meer daarin en The Farm Corner het 25 Julie by die skool kom kuier.

“The Farm Corner se mense het vir die maatjies meer omtrent plaasdiere vertel, hulle kon aan die diere voel en hulle ook voer,” het die skoolhoof Riëtte Wheller vertel.

Volgens Wheller was die opgewondenheid onder die kleuters aanvoelbaar.

“Die groot hoogtepunt van die oggend se gebeure was dat elke Heidi maat op onderskeidelik ’n ponie of donkie op die terrein kon rondrits,” het sy gesê.