Al drie Sasol Rugbyklub se spanne het hul wedstryde op 25 April op hul tuisveld gewen.

Sasol 1 en Newcastle Rugbyklub se eerstespan het eerste op die veld gedraf en Sasol 1 het met 34 – 5 gewen terwyl Sasol 2 met ’n telling van 50 – 5 Newcastle Rugbyklub se tweedespan geklop het.

Sasol 3 het Ermelo Rugbyklub se eerstespan met 15 – 12 geklop. Sasol 1 se puntemakers was Wynand Venter en Pieter van Niekerk wat elk drie drieë gedruk het en Nathan Berman en Tian Steyn wat elk een drie gedruk het.

Justin Jacobs en Steyn het elk een drie verdoel en JC Oosthuizen en Van Niekerk is as die beste spelers van die wedstryd aangewys.

Sasol 2 se puntemakers was Adrian Mutadza wat drie drieë gedruk het en Helgard Witte, Dylan Oosthuizen, Koos van Heerden, Bradwin Abrahams en Raven Fourie wat elk een drie gedruk het.

Rudolf Pretorius het vyf drieë verdoel. Jaryd van der Westhuizen en Mutadza is as Sasol 2 se beste spelers van die wedstryd aangewys.

Sasol 3 se puntemakers was Chris Morgenrood wat twee drieë elk gedruk het en Zander Steyn wat een drie verdoel het.

Ricardo Kraftt en Henrico Fourie is as Sasol 3 se beste spelers van die wedstryd aangewys. Sasol Rugbyklub se volgende wedstryd is op 9 Mei teen Baberton Rugbyklub op Baberton.