Renier wen motorfietspretdag
Miguel de Lina eindig tweede, Rudolf Pretorius derde en Evan Wessels vierde.
TRICAHRDT – Renier Kotze was die wenner van die Dirt & Dust-pretdag vir motorfietse wat op Sondag, 8 Februarie op Janneman Plaas tussen Trichardt en Kinross plaasgevind het.
Miguel de Lina het tweede geëindig, Rudolf Pretorius derde en Evan Wessels vierde.
Deelnemers en toeskouers het die dag ewe veel geniet en Pretorius het mnre. Kosie en Janneman van der Merwe en hul helpers bedank, asook SSS Removals, CD Heavy Towing, Orambamba, Sibatathu Construction en Sport Care vir hul hulp en ondersteuning.
Hy het ook almal wat met die beheer van voertuie en inskrywings betrokke was, bedank.
“Die dag was net vir die pret en ter voorbereiding van wedrenne wat nog gaan volg,” het Pretroius gesê.
Die baan waar die pretdag gehou is, is bykans klaar en Pretorius en Kotze het met hulp van ander die baan gebou.
Hy het toeskouers wat foto’s geneem het, genooi om hulle op hul Facebookbladsy, Dirt & Dust, te laai.
Belangstellendes kan ook dié Facebookbladsy dophou vir inligting oor toekomstige wedrenne en pretdae.
Vir meer nuus besoek gerus ons webtuistes:
Ridge Times, Standerton Advertiser & Highvelder
”Like” ons op Facebook en volg ons op Twitter.
Vir nuus na jou selfoon:
BBM – 29C64351
WhatsApp – 082-611-3867
