Havies kondig eerste rugbyspan aan

Laerskool Dr Havinga het in Maart hul eerste span aangekondig tydens ‘n glinster petseremonie in die aanloop tot die amptelike rugbyseisoen.

Volgens juffrou Leoni van Niekerk is die Havies se spoggerige nuwe rugbyuitrusting uiteindelik na maande se opgewonde afwagting onthul, en het Havies-spelers feitlik gebars van trots soos hul name genoem en hul truie aan hulle oorhandig is.

“Baie geluk aan elke Havie eerste span speler,” het sy gesê.

“Jy het baie harde werk ingesit om hier te kom en ons weet jy sal die skool en span se name deur die seisoen hoog hou.”