MEYERTON – Die Vaaldriehoek se jong Caitie Rock is deur na die Top 20-liedjies van die FAK Skryf’it-kompetisie. Haar lied, Môreland is uit meer as 1100 nuwe liedjies gekies om deur te dring.

Die Top 10 liedjies word deur die publiek bepaal. Stemme vir Ghoeroe William Wolf se vier kunstenaars is nou oop en kan gratis aanlyn of per sms (teen R1.50) gedoen word.

Stemme sluit Donderdag om middernag. Moenie net stem nie; deel hierdie plasing en help jou gunstelingliedjie om soveel moontlik ondersteuning te kry! ELKE STEM TEL!

Caitie sê: “Die lied Môreland gaan oor ons jong mense se reis na die toekoms. ’n onbekende maar hoopvolle bestemming waar ons ons eie pad skep sonder vaste reëls of kaarte.

“Tussen soms verlore voel en soms vry te voel het ons drome en hoop as die enigste rigtingwysers. Dis ‘n reis na selfontdekking, die krag van drome, en die idee dat foute soms ok is en dat dit nuwe begin bring.

“Die refrein en brug wys dat die toekoms groot en uitdagend is, maar tog persoonlik en bereikbaar – ’n roep na ’n môre wat wag en wat vir ons bedoel is.”

Gaan luister na hierdie besondere lied van Caitie by https://www.skryfit.co.za/stem-ww/.