VEREENIGING. – ’n Man het slegs geringe beserings opgedoen nadat hy glo vir ’n voertuig in die pad moes uitswaai, ’n klip op die middelman in Voortrekkerstraat getref het en die kar gerol het.

Die ongeluk het omstreeks 21:30 op die hoek van Voortrekkerstraat en Rhodeslaan (by McDonalds) in Vereeniging se middestad gebeur.

Die silwer Volkswagen Citi Golf het op sy dak te lande gekom.

Geen ander voertuie was in die ongeluk betrokke nie.

Insleepdienste het gehelp om die kar om te draai sodat dit weer op sy wiele staan.