Hengelkompetisie-kampioen haak sy nuwe boot
Die splinternuwe Bandit 490 met ’n Mercury 100HP motor was die prys vir die grootste karp wat by die Loskop Classic op 2 September ingeweeg is.
Die wenner van die onlangse Loskop Classic hengelkompetisie het verlede week sy prys gehaak waarop hy hopelik nog hope vis aan boord gaan bring.
André Bayards van Pretoria het sy nuwe boot Vrydag, 8 September by Sunset Boats & Accessories kom haal.
Die boot is deur Dwayne Viviers, voorsitter van Koning Makriel See Hengel Klub (KMSHK) aan hom oorhandig.
KMSHK was die organiseerders van die kompetisie.
Die splinternuwe Bandit 490 met ’n Mercury 100HP motor was die prys vir die grootste karp wat by die Loskop Classic op 2 September ingeweeg is en André se vangs van 4.4kg het die boot vir hom ingekatrol.
André het gesê dat hy baie dankbaar is vir dié “lekker prys” waarmee hy hoop om nog meer avonture te hê en groot visse te vang.
Read more here:
Het jy ’n storie om te vertel?
Stuur vir ons ’n epos na info@witbanknews.co.za of bel ons by 013 656 2490• Vir meer brekende- en gemeenskapsnuus, besoek gerus ons webtuiste.• Jy kan ons ook volg op sosiale media platforms: Facebook, Twitter of Instagram HET JY GEWEET?Kliek op die woorde wat in kleur uitgelig is om meer te lees oor verwante temas.
