Die vrou wat daarvan beskuldig word dat sy haar swaer verlede jaar vermoor het, het vandag vlugtig in die eMalahleni-landdroshof verskyn.

Melissa Vice, geklee in ’n warm baadjie, het vinnig haar plek ingeneem toe haar saak uitgeroep is.

Die saak is nou na die streekhof verwys en is uitgestel tot 17 Junie.

Haar man, Sam Vice, was saam met haar in die hof.

Vice is in Desember verlede jaar in hegtenis geneem nadat die liggaam van Willie Visser naby Seekoeiwater gevind is.

Visser was vroeër as vermis aangemeld.

Visser murder – Melissa Vice gets R10 000 bail#witbanknews #melissavice #bail #crime #murder pic.twitter.com/l32wnJVesL

— WitbankNews (@WitbankN) January 29, 2026

Tydens ’n vorige hofverskyning het skokkende getuienis aan die lig gekom oor die verloop van die dag.

Vice het Visser glo by ’n winkelsentrum opgetel. Hulle het ’n tyd lank in Hoëveldpark rondgery voordat sy by Seekoeiwater gestop het.

LEES MEER HIER Verdagte gearresteer op moord van man wie se lyk in Seekoeiwater gevind is

Daar word beweer dat sy hom verwurg en met ’n voorwerp teen die kop geslaan het.

Sy het hom glo uit die bakkie getrek en sy persoonlike besittings in die veld ingegooi.

LEER MEER HIER Vermoorde man se skoonsuster in die hof

Vice het later aan die polisie uitgewys waar die oorledene se besittings weggegooi is.

Jou stad, jou storie soos dit gebeur. Bly op hoogte met die jongste nuus met WITBANK NUUS,

Volg ons op  website, Facebook, X,  Instagram or TikTok

Epos: info@witbanknews.co.za