Baie dankie Jo

So gaan soek ek drie boeke in die dorpsbiblioteek op ‘n Saterdagoggend. Dis boeke wat voorgeskryf word aan studente en glad nie bekende boeke is nie.

Ek was effens haastig, aangesien die Sharks-wedstryd binnekort sou begin. Jo van Papendorp het my dadelik gehelp en die boeke oral gaan soek, aangesien die sisteem nie gewerk het nie. Ons kon net een boek kry. Sy het my nommer geneem en gesê sy sal die ander boeke vir my probeer soek.

Groot was my verbasing toe sy my twee dae later laat weet sy het nog ‘n boek opgespoor by die Klipfontein-tak.
Baie dankie Jo! Die munisipaliteit kan opreg trots wees op jou puik dienslewering.