Gewonde kaper steeds op vrye voet

‘n 60-Jarige inwoner van Dalview het verlede Woensdagmiddag koelkop gebly toe hy deur twee motorkapers oorval is, en sy optrede het daartoe gelei dat een kaper in die hospitaal beland het en die ander een op die vlug moes slaan.

Kapt Joep Joubert het Dinsdagoggend (27 Mei) bevestig dat die kaper wat weggekom het steeds deur die polisie gesoek word.

Die booswig, wat die gekaapte voertuig bestuur het en verskeie kere raakgeskiet is, kon nie daarin slaag om op die vlug te slaan nie.

Hy is onder polisiebewaking in ‘n hospitaal.

Die naam van die inwoner van Alexandreastraat, wat die kapers geskiet het, is aan die Herald bekend, maar hy het versoek dat dit nie gepubliseer word nie.