Hansie Duvenage is ernstig beseer toe hy en sy vriend Kobus Herbst beheer oor hul motorfiets verloor het in ‘n poging om ‘n aankomende nutsvoertuig in die verkeerde baan te vermy. Die ongeluk het op 10 September omstreeks 18:30 in Retiefstraat tussen Hoër Volkskool en die nuwe inkopiesentrum gebeur. Die span van Heidelberg Medic Volunteers was oudergewoonte eerste op die toneel en het vir ure onverpoos gewerk om die twee te stabiliseer. Lede van Heidelberg GPF het ook hulp op die toneel verleen. Kobus het sy arm op twee plekke gebreek en is reeds uit die hospitaal ontslaan. Hansie het ‘n kopbesering opgedoen, vier ribbes en ‘n arm gebreek en word onder verdowing in ‘n Johannesburg-hospitaal gehou.
At Caxton, every story is written by humans. We use AI only to perform quality checks - never to generate the news. Happy reading!
