ERMELO – VF Plus-raadslid Shobie Arnoldi sê die Groendruppel-toekenning wat aan Msukaligwa Plaaslike Owerheid toegeken is, weerspieël nie die werklike water- en sanitasieprobleme in die gebied nie.

Hy voer aan dat inwoners steeds daagliks uitdagings ervaar met swak waterbestuur, infrastruktuurprobleme en watertekorte in dorpe soos Breyten en Chrissiesmeer.

Arnoldi bevraagteken ook die integriteit van die evaluasieproses en verwys na hofaksies wat reeds teen die munisipaliteit geneem is.

Volgens hom dui verslae op ernstige waterverliese en lae voldoening aan drinkwaterstandaarde, wat kommer oor openbare gesondheid wek.

ALSO READ: Msukaligwa water award sparks scepticism among Ermelo residents

Hy sê die beperkte verbeterings wat sigbaar is, spruit hoofsaaklik uit ’n hofbevel eerder as verbeterde bestuur.

Die VF Plus beskryf die toekenning as misleidend en sê hulle sal voortgaan om aanspreeklikheid te eis.

Gedetailleerde aanhalings van die raadslid en spesifieke statistiese verwysings (insluitend 72% waterverlies en 47% watergehalte-voldoening) is verkort vir aanlyn doeleindes.

Lees meer oor die volledige verklarings en uitgebreide statistieke in die Hoëvelder se gedrukte uitgawe.