ERMELO – Die Hoëvelder het intussen bevestiging ontvang dat die insittendes van die ander voertuig, wat op Vrydag 14 November in ‘n kop-aan-kop botsing buite Ermelo op die Amersfoortpad betrokke was, ook in die botsing beseer is.

Die bestuurder het haar heup gebreek, en ’n vierjarige seun wat saam met haar gery het, is vir harsingskudding behandel.

Dit kon nie vasgestel word of hulle steeds in die hospitaal is nie.

Volgens kaptein Carla Prinsloo, polisiewoordvoerder ondersoek die polisie ’n saak van strafbare manslag.