Ligbron-fotograwe onder Suid-Afrika se top jeugfotograwe

Ermelo se jong fotografie-talente het nasionale én internasionale erkenning vir hul besonderse werk ontvang.

1 hour ago

Wayne van der Walt 1 minute read

Bianca Breytenbach en Kyla Eksteen van Ligbron tydens die nasionale prysuitdeling. — Ligbron-fotograwe Bianca Breytenbach en Kyla Eksteen is tydens die PSSA se nasionale prysuitdeling vereer vir hul fotografieprestasies. Foto: Verskaf/Ligbron

Twee Ligbron-fotograwe is tydens die Photographic Society of South Africa (PSSA) se nasionale prysuitdeling as van Suid-Afrika se beste jeugfotograwe erken.

Kyla Eksteen het die derde plek onder die land se top tien-jeugfotograwe behaal.

Haar spesialiteit is makrofotografie, met haar insekfoto’s wat die afgelope twee jaar verskeie nasionale en internasionale pryse verower het.

Kyla Eksteen se bekroonde makrofoto van ’n insek op ’n blom. — Ligbron-fotograaf Kyla Eksteen se makrofoto van ’n insek op ’n blom. Eksteen is derde onder Suid-Afrika se top tien-jeugfotograwe aangewys.

Bianca Breytenbach het die sewende plek behaal.

Sy is bekend vir haar sport- en natuurfotografie, wat haar ook reeds nasionale en internasionale erkenning besorg het.

Bianca Breytenbach se foto van ’n seekoei wat uit die water opkom. — Ligbron-fotograaf Bianca Breytenbach se foto van ’n seekoei wat sy bek wyd oopmaak terwyl hy in die water is.

Foto’s deur Eksteen, Breytenbach en JW Koekemoer is verder gekies vir ’n uitstalling van Suid-Afrika se 33 beste jeugfotograwe.

JW Koekemoer se krieketfoto van ’n jong speler wat ’n bal met sy kolf slaan. — Ligbron-fotograaf JW Koekemoer se krieketfoto, wat deel vorm van sy fotografie wat vir die nasionale jeuguitstalling gekies is.

Die uitstalling is tot die einde van die jaar by die Pioniersentrum te sien.

Die Ermelo-fotoklub se jeugafdeling is ook as die nommer-een-jeugklub in Suid-Afrika aangewys en het ’n tweede plek internasionaal behaal.

Lees meer oor die Ermelo-fotoklub se ondersteuning van die jong fotograwe in die Hoëvelder se gedrukte uitgawe.

At Caxton, every story is written by humans. We use AI only to perform quality checks - never to generate the news. Happy reading!

1 hour ago

Wayne van der Walt 1 minute read

Wayne van der Walt

Wayne van der Walt, with around 15 years in the media industry, is editor of Highvelder Newspaper. His accolades include Frewin Awards for Newspaper of the Year and Front Page of the Year, and FCJ Photographer of the Year, among other honours.