Gimnaste van Ermelo gimnastiek klub presteer by die “North Zone Festival”
Die gimnaste het medaljes verwerf volgens die gemiddeld van die 4 apparate waaraan hulle deelgeneem het.
Ermelo Gimnastiekklub spog met 49 gimnaste wat Mpumalanga by die Noord-sonefees (North Zone Festival) verteenwoordig het.
Dié kampioenskap het op 1 en 2 Junie by Matsport Sentrum op Eldoraigne plaasgevind en gimnaste van Limpopo, Noord-Wes , Mpumalanga en Noord-Gauteng het deelgeneem.Puik prestasies is gelewer deur van die Ermelo-gimnaste.
Hulle het medaljes verwerf volgens die gemiddeld van die vier apparate waarmee hulle deelgeneem het.
Stefan du Toit het ’n silwermedalje vir algeheel verwerf en ’n tweede plek op die rekstok en Michael Ronquest het ’n silwermedalje vir algeheel verwerf en ’n derde plek op die gelyke brug.
Lene Odendaal, Desireé Thirion, Zander Muller, Marizelle Burger, Precious Ngwenyama, Sharon Mlipa, Marli Vorster, Charlize Clifford, Inge Prinsloo, Lysencke du Plessis en Wilné Geldenhuys het almal goue medaljes ontvang.
