Ermelo-swartbalspanne veg om die uitdunronde te haal
Full Moon 1 het skoonskip teen Pavillion 3 gemaak en hulle 9-0 geklop.
Die swarballiga staan einde se kant toe met ronde 10 wat Sondag, 5 Augustus op verskeie dorpe in die omgewing plaasgevind het.
Full Moon 1,2 en 3 van Ermelo het by die Ermelo Gholfklub teen Pavillion van Middelburg gespeel, terwyl Full Moon 4 en 5 op Secunda teen Panda’s se spanne gespeel het.
Full Moon 1 het skoonskip teen Pavillion 3 gemaak en hulle 9-0 geklop.
Full Moon 2 het hul wedstryd teen Pavillion 3 met 5-4 gewen en Full Moon 3 hul wedstryd teen Pavillion 3 met 6-3.
Full Moon 5 het 4-5 teen Panda’s 5 verloor en 1-8 teen Panda’s 4.
Die span het ’n tawwe stryd teen Panda’s 6 met 1-8 verloor.
Die spelers wat besonder goed gevaar het, was Leon Pieterse (Full Moon 1), Charles Wahlstrand (Full Moon 2), Hein Heine (Full Moon 1) en Henk Vermeulen (Full Moon 3) wat al drie hul wedstryde gewen het.
JP Joubert (Full Moon 2) en Jan Oosthuizen (Full Moon 2) het elkeen twee van hul drie wedstryde gewen.
Die volgende ligawedstyde vind Sondag, 12 Augustus plaas.
